 جرح(ن) جرحته كلها أيام ويطيبي ..!
السلام عليكم ورحمة الله وبركاته
حبينا نشاركم بهالقصيده علها تنال على اعجابكم
- - - - - - - - - - - -
عليك الرجاء ياللي جميـع البشـر ترجـاه
ليا جـاء نهـار الحشـر بيّـض مكاتيبـي
وهوّد علـى قلـب ٍ زمـان الشقـى قـزاه
وعـدّى مـن الضيقـه بـروس المراقيبـي
ادوّر دوى جـرحٍ سـطـى مالقـيـت دواه
كوانـي بنـاره فالضـلـوع المحاديـبـي
بعد ذيب صـدري فالمراقيـب جـر عـواه
ابا اجر صوتي غصـب واجـاوب الذيبـي
الا يارفيقـي بـعـد هــاذي فـمـان الله
ليا صار ضاعـت فـي عيونـك مواجيبـي
توكـل علـى فالـك وكـل ٍ علـى ليـلاه
وجـرح ٍ جرحتـه كلهـا ايـام ويطيبـي !
اعزي على فرقـاك نفسـي وانـا عـزاه !
من اللـي يعزينـي علـى فقـدة صحيبـي
رفيـق ٍ جرحنـي بعـد مانيـب انـا ويـاه
رفاقـه علـى سلـم المواجيـب والطيبـي
ليا من نصاني قبـل يهـرج لزومـه جـاه
تحـت قسـوة الايـام والعسـر يحريـبـي
انعّـم علـى ذكـره ليـا مرنـي طـريـاه
واحفْظه واصونـه عـن جميـع العذاريبـي
ولا ارضى هروج اردى ضعيف العرب تقفاه
واداري علـى سمعتْـه عنـد الاجانيـبـي
جرحني عسى ربـي يبيحـه وانـا لـولاه
علـي الحـرام انـي لاحمّـي المشاهيبـي
على اللي نقل بعض السواليف ليـن اغـواه
وخلـى رفقاتنـا علـى الشـك والريـبـي
ياكبـر الخطايـا منـك ياصاحبـي كبـراه
على شان عين مروّج الهـرج تصخيبـي ؟
تبى الصدق مانشره على اللي عطاك اريـاه
لكن تلحـق الشرهـه عطيـب المضاريبـي
تعلمت راع الطيـب دايـم بطيـب اجـزاه
وراع الـردى مـالـه علـيّـه مطاليـبـي
رفيق الشدايـد ترخـص الغاليـه لرضـاه
وصية مجرب لاح فـي عرضـه الشيبـي
حياة التجـارب مرجعـه والزمـان رشـاه
من احـداث وقتـه رشـح استـاذ واديبـي
الا يالرفيق اللي مـع الوقـت بـان اقصـاه
بعـد غـرّروك مجالسـيـن الرعابيـبـي
توكل علـى فالـك وكـل ٍ علـى مشهـاه
وجـرح ٍ جرحتـه كلهـا ايـام ويطيـبـي
منقولـ... لعيونكــــــــــــــم
| 
رد: جرح(ن) جرحته كلها أيام ويطيبي ..! 
العرض العادي
